Çfarë janë dhëmballët e pjekurisë?
Molarëve të tretë u referohemi zakonisht si dhëmballë pjekurie. Ata janë zakonisht dhëmbët e fundit që rriten dhe gjenden në pjesën e pasme të harkut të gojës, pas molarëve të dytë. Zhvillimi i këtyre dhëmballëve ndodh zakonisht nga mesi i adoleshencës deri në të njëzetat, kohë e cila tradicionalisht lidhet me pjekurinë.
Çfarë është një dhëmb retinuar ose ndryshe, i përmbajtur ?
Ndonëse pjesës më të madhe të njerëzve ju zhvillohen dhe rritjen 32 dhëmbë të përhershëm, shumë shpesh nofullat e tyre janë tepër të vogla për t’u bërë vend 4 dhëmballëve të pjekurisë. Sa herë që mungesa e hapësirës e pengon daljen e dhëmballëve, ato quhen të retinuar. Kjo tregon paaftësinë e dhëmballës që të dalë mbi mishin e dhëmbit në pozicionin e përshtatshëm për të përtypur dhe që të mund të pastrohet.
Llojet e dhëmballëve të retinuara
Do t’ju duhet të paraqiteni për një konsultë për të përcaktuar nëse është më mirë t’i hiqni dhëmbët e pjekurisë. Më parë, duhet të bëni një grafi panoramike apo skaner CT për të përcaktuar nëse keni dhëmballë të retinuar, nëse ka vend të mjaftueshëm që ato të dalin plotësisht apo sa e vështirë do të jetë që të hiqen.
- Retinim i indit të butë: atëherë kur nuk ka vend të mjaftueshëm për ta lejuar mishin e dhëmbit që të tërhiqet poshtë, në mënyrë që të mundësohet pastrimi i dhëmballës ashtu siç duhet.
- Retinim kockor i pjesshëm: Kur ka hapësirë të mjaftueshme për ta lejuar dhëmballën e pjekurisë që të dalë pjesërisht. Megjithatë, dhëmballa nuk funksionon dot siç duhet për procesin e përtypjes si edhe nuk arrihet dot që të pastrohet.
- Retinim kockor i plotë: Kur nuk ka ASNJË hapësirë që dhëmballa të dalë. Dhëmballa mbetet e shtrirë në kockën e nofullës apo edhe kur është pjesërisht e dukshme, nevojiten procedura komplekse kirurgjikale për ta hequr. Dhëmballa e retinuar e pjekurisë mund të jetë dhe në një pozicion të pazakontë dhe e vështirë për t’u hequr. Kjo situatë mund të lindë edhe kur forma apo përmasa e kockës së nofullës apo e strukturave të tjera faciale, e bëjnë heqjen e kësaj dhëmballe akoma më të ndërlikuar.
