Ortodoncia është dega e stomatologjisë e specializuar për trajtimin e malokluzionit. Malokluzioni ndodh kur dhëmbët janë të pozicionuar në mënyrë jokorrekte si në nofullën e sipërme ashtu edhe në atë të poshtmen.
Për qindra vite, dhëmbët e çrregullt, të grumbulluar dhe të dalë u kanë shkaktuar probleme njerëzve. Dhëmbët e renditur në mënyrë jokorrekte mund të çojnë në kafshime të çrregullta të tillë si kafshimi i përparmë(prognatik) apo i pasmë (progenik). Ortodoncia synon vendosjen e aparateve fikse apo të lëvizshme për të korrigjuar dhëmbët dhe/ose nofullat jokorrekte.
Është e këshillueshme që vizitat e para të fëmijës të bëhen që në moshën 5 vjeçare për të parë raportin e nofullave apo defektet skeletore. Një trajtim i hershëm tek fëmijët rregullon defektet skeletore dhe u jep mundësinë dhëmbëve të përhershëm të dalin në mënyrë korrekte në harkun e gojës.
Çfarë trajtojnë ortodontët?
Ortodontët janë të specializuar në korrigjimin e malokluzioneve. Organizata Botërore e Shëndetësisë e konsideron malokluzionin si një prej problemeve më të rëndësishme të shëndetit oral. Deri në 93% e fëmijëve dhe adoleshentëve shfaqin një formë të malokluzionit.
Me malokluzion kuptohet renditja jokorrekte e dhëmbëve. Shenja më e qartë e malokluzionit është kur dhëmbët janë të shtrembër apo të pozicionuar për jashtë harkut normal ku duhet të ishin.
Llojet e Malokluzioneve
Një okluzion normal (takimi i dhëmbëve të sipërm dhe të poshtëm) i referohet pozicionimit ‘ideal’ të dhëmbëve. Në një kafshim ‘perfekt’ nofullat flenë mbi njëra tjetrën.
Një okluzion i mirë dhe dhëmbë të drejtë pa trajtim të mëparshëm ortodontik, janë diçka e rrallë. Ka tre klasa të ndryshme malokluzioni të cilave u referohemi si klasa I, II, dhe III:
Malokluzion i klasës I— Lloji më i përhapur i malokluzionit ku marrëdhënia mes dhëmballëve është korrekte por tek dhëmbët e përparmë ka hapësira ose grumbullim.
Malokluzion i klasës II — Malokluzioni i klasës II apo kafshimi i prognatik ndodh kur dhëmbët e sipërm dhe nofulla janë më përpara se dhëmbët e poshtëm.
Malokluzion i klasës III — Malokluzioni i klasës III apo kafshimi progenik ndodh kur nofulla e poshtme është e zgjatuar përpara dhe dhëmbët dalin mbi dhëmbët e nofullës së sipërme.